Brüsseldə diplomatik gərginlik: Aİ-dəki vəziyyət "Taxt-tac oyunları"na bənzədilir

Bəzi avropalı diplomatların qənaətincə, Avropa İttifaqının (Aİ) institutları getdikcə "Taxt-tac oyunları" serialını xatırladır.

King.Az xəbər verir ki, bu barədə İspaniyanın "El Pais" qəzeti məlumat dərc edib.

Qeyd edilib ki, diplomatlar Brüsseldə diplomatik idarəetmə uğrunda ciddi mübarizənin getdiyini vurğulayıblar. Xüsusilə, Avropa Komissiyasının rəhbəri Ursula fon der Lyayen və Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallas arasındakı rəqabətin getdikcə daha da kəskinləşdiyi bildirilir.

Qəzet yazır ki, hazırda Avropa dairələrində Kaya Kallasın fəaliyyətindən narazı olanların sayı kifayət qədərdir. Bəzi rəsmilər onu fikrini yalnız Rusiya məsələsinə cəmləməkdə qınayır, digərləri isə fəaliyyətində buraxdığı bir sıra yanlışlıqlara diqqət çəkirlər.

Lyayenə gəlincə, avropalılar arasında onun acgözlüyündən şikayətlənənlər də var.