Ötən il ərzində yeni orfoqrafiya lüğətinin hazırlanması istiqamətində xeyli işlər görülüb.
Azərbaycanın Milli Elmlər Akademiyası (AMEA) Nəsimi adına Dilçilik İnstitutunun direktoru Nadir Məmmədli King.Az-a müsahibəsində sözügedən lüğəti 2025-ci ilin sonuna qədər hazır etməyi planlaşdırdıqlarını söyləmişdi.
Maraqlıdır, bəs görəsən, hazırda lüğətlə bağlı proses nə yerdədir? Yeni orfoqrafiya lüğəti nə zaman hazır olacaq?
King.Az bildirir ki, mövzu ilə bağlı Oxu. Az-a açıqlamasında professor Nadir Məmmədli bildirib ki, lüğət artıq hazırdır, üzərində tamamlanma işləri görülür.
Onun sözlərinə görə, institutun əməkdaşları tərəfindən müzakirələr davam edir:
"Lüğət hazırdır, yekun işlər görülür. Dilçilik İnstitutunun əməkdaşları tərəfindən bir-iki müzakirənin də aparılması planlaşdırılır. Prezident İlham Əliyevin çıxışından sonra biz lüğətə bir daha baxdıq. Artıq kəlmələr, əcnəbi terminlər, alınma sözlərə əl gəzdirməli olduq. Çünki bizə say yox, keyfiyyət maraqlıdır".
Oxşar Mövzular
Tramp "TikTok"la bağlı fərman imzaladı
17-09-2025, 17:45
İlon Mask "X"in alqoritmində dəyişikliklərin olacağını elan edib
4-05-2025, 16:52
