"SpaceX" 10 000-ci "Starlink" peykini kosmosa göndərdi

"SpaceX" şirkəti "Falcon 9" raket daşıyıcısından istifadə edərək 56 əlavə "Starlink" peykini kosmosa göndərib və bununla da aşağı Yer orbitinə buraxılan peyklərin ümumi sayını 10 000-ə çatdırıb.

King.Az xəbər verir ki, bu barədə "The Verge" məlumat yayıb.

Məlumata görə, bu 10 000 peykdən təxminən 8 608-i hazırda fəaliyyətdədir. "Starlink" peyklərinin ömrü təxminən beş ildir, bundan sonra onlar orbitdən çıxarılır və atmosferdə yandırılır.

İlk "Starlink" prototipləri 2018-ci ilin fevralında kosmosa buraxılıb, kommersiya xidməti isə 2021-ci ildə başlayıb.