Gümüşün qiyməti 2011-ci ilin avqust ayından bəri maksimuma yüksəlib

"Comex" birjasında (Nyu-York əmtəə birjasının bölməsi) 2025-ci ilin dekabr ayı üçün gümüş füçerslərinin qiyməti 22 avqust 2011-ci ildən bəri ilk dəfə bir Trua unsiyası üçün 44 dolları ötüb.

King.Az xəbər verir ki, bunu ticarət məlumatları sübut edir.

Bakı vaxtı ilə saat 9:46-ya olan məlumata görə, qiymətli metalın qiyməti 1 Trua unsiyası üçün 44.015 dollar təşkil edib (+0.33%). Bakı vaxtı ilə səhər saat 9:56-da gümüşün qiyməti bir Trua unsiyası üçün 43.96 dollara qədər azalıb (+0.21%).

Eyni zamanda, 2025-ci ilin dekabr ayı üçün qızılın füçerslərinin qiyməti 0.09% artaraq 1 Trua unsiyası üçün 3 734.3 dollar olub.