Tramp: "İranda artıq hakimiyyət dəyişikliyi baş verib"

"ABŞ hesab edir ki, İranda artıq hakimiyyət dəyişikliyi baş verib".

King.Az TASS-a istinadən xəbər verir ki, bu mövqeyi Ağ Evdə jurnalistlərin suallarını cavablandırarkən ABŞ Prezidenti Donald Tramp səsləndirib.

"Əslində, rejim dəyişikliyi baş verib. Rejim dəyişib, çünki hazırkı liderlər bütün bu problemləri yaradan əvvəlki rəhbərlər deyillər", - deyə o iddia edib.

Onun sözlərinə görə, Vaşinqton yeni rəhbərliyin fəaliyyətini yaxından izləyərək, özünü necə göstərəcəyini qiymətləndirməyi planlaşdırır.

İran hakimiyyətinə etibar edib-etməməsi ilə bağlı suala cavab verən Tramp bildirib ki, o, heç kimə etibar etmir.