İran parlamentinin sədri: "ABŞ bizə haradan hücum etsə, həmin bölgəyə zərbə endirəcəyik"

"İran ABŞ qüvvələrinin ölkə ərazisinə hücum etdiyi istənilən bölgəyə zərbə endirəcək".

King.Az TASS-a istinadən xəbər verir ki, bunu İran parlamentinin sədri Məhəmməd Baqir Qalibaf "Al Jazeera" telekanalına bildirib.

O əlavə edib ki, ABŞ-nin bölgədə yerləşən və İrana qarşı hücumlar həyata keçirilən hərbi bazaları İran ordusunun hədəfinə çevriləcək.

Qalibaf qeyd edib ki, bəzi qonşu dövlətlər ABŞ hərbçilərinin öz ərazilərindəki fəaliyyətini və hərəkətlərini nəzarətdə saxlayacaqlarına söz veriblər.