Əbu-Dabidə Ukrayna, ABŞ və Rusiya arasında danışıqlar davam edir

Əbu-Dabidə Rusiya, Ukrayna və ABŞ arasında növbəti danışıqların ikinci günü başlayıb.

King.Az-ın məlumatına görə, bu barədə Ukraynanın Milli Təhlükəsizlik və Müdafiə Şurasının katibi Rustem Umerov özünün "Telegram" kanalında bildirib.

"Əbu-Dabidə danışıqların ikinci günü başlayıb. Dünən olduğu kimi, bu gün də eyni formatlarda işləyirik: üçtərəfli məsləhətləşmələr, qruplar üzrə iş və mövqelərin sonrakı sinxronlaşdırılması", - deyə Umerov bildirib.

Qeyd edək ki, bir gün əvvəl Birləşmiş Ərəb Əmirliklərinin paytaxtında Rusiya-Ukrayna münaqişəsinin həlli üzrə üçtərəfli danışıqlara başlanılıb.