Venesuela Milli Assambleyasının keçmiş deputatı və müxalifət lideri, Nobel Sülh Mükafatı laureatı Mariya Korina Maçado gələn həftə Vaşinqtona səfər edəcək və ABŞ Prezidenti Donald Trampla görüşəcək.
King.Az-ın xəbərinə görə, bu barədə Tramp "Fox News" telekanalına müsahibəsində məlumat verib:
"Belə başa düşürəm ki, Maçado gələn həftə gələcək və mən səbirsizliklə onunla salamlaşmağı gözləyirəm. Eşitmişəm ki, o, bunu etmək istəyir", - deyə Tramp bildirib.
O həmçinin qeyd edib ki, Mariya Korina Maçado olduqca xoş insandır.
Yanvarın 6-da Maçado özünün Nobel Sülh Mükafatını Trampa verməyə hazır olduğunu bəyan edib. Mükafat siyasətçiyə 2025-ci ildə Venesuelada demokratiyanın təşviqi üzrə səylərinə və diktaturadan demokratiyaya dinc yolla keçid cəhdlərinə görə təqdim edilib.
Oxşar Mövzular
"Monako"nun keçmiş futbolçusu zorlamada təqsirli bilindi
13-11-2024, 10:28