Finlandiyada qar çovğunu: Bütün ölkəboyu xəbərdarlıq edilib

Finlandiya ölkənin nəqliyyat sistemi və infrastrukturu üçün təhlükə yaradan "Hannes" adlandırılan güclü qar çovğununa məruz qalıb. Milli Meteorologiya İnstitutu tərəfindən bütün ölkə üçün təhlükəli hava xəbərdarlığı edilib.

King.Az xəbər verir ki, bu barədə "Yle" məlumat yayıb.

Sinoptiklər şənbə günü günortadan sonra başlayan şimal-qərb küləyinin sürətlə gücləndiyini qeyd edirlər. Ən şiddətli külək xəbərdarlığı qərb bölgələri, Aland adaları və Laplandiya üçün edilib. Burada küləklər sahildə 25 m/s-yə çata, Laplandiyanın dağlıq bölgələrində isə 33 m/s-dən çox ola bilər.

Təbiət hadisəsinin nəqliyyatın hərəkətində fasilələrə və elektrik kəsintilərinə səbəb olacağı gözlənilir.