Antuan Qrizman İspaniya La Liqasında bir məşqçinin rəhbərliyi altında vurulan qolların sayına görə yeni rekord müəyyənləşdirib.
King.Az Sport24.ru-ya istinadən xəbər verir ki, fransız hücumçu Dieqo Simeonenin baş məşqçiliyi altında "Atletiko Madrid"in heyətində 138-ci qolunu vurub.
Qrizman bu nailiyyətə İspaniya çempionatının 8-ci turu çərçivəsində evdə "Levante" ilə oyunda (3:1) imza atıb. Qalib komandanın heyətində Qrizman dublla yadda qalıb.
Qeyd edək ki, əvvəlki rekord Lionel Messiyə məxsus olub. Argentinalı ulduz Pep Qvardiolanın dövründə "Barselonanın heyətində rəqib qapılarından 137 top keçirib.
