Ceyhun Zeynalov: "Cabirlə hər gün zəngləşirdik, hal-əhval tuturduq"

"Bizim Cabirlə çoxdan münasibətimiz olub. Hər gün zəngləşirdik, hal-əhval tuturduq".

King.Az xəbər verir ki, bu sözləri jurnalistlərə açıqlamasında mərhum Əməkdar artist Cabir İmanovun dostu, müğənni Ceyhun Zeynalov deyib.

O bildirib ki, Cabir İmanovun vəfatı Azərbaycan mədəniyyəti və dostları üçün üçün ağır itkidir:

"Bizim hər birimiz üçün və dostlar üçün böyük itkidir. Səhhəti ilə bağlı heç bir şikayəti yox idi, necə ekranda görmüsünüzsə, həmişə gümrah idi".

Xatırladaq ki, Cabir İmanov sentyabrın 29-da infarkt keçirərək dünyasını dəyişib.