Rumıniya Parlamenti Senatının sədri vəzifəsini müvəqqəti icra edən Mirça Abrudean aprelin 13-də ölkəmizə rəsmi səfərə gəlib.
King.Az Oxu.Az-a istinadən bildirilir ki, Milli Məclisin Mətbuat və ictimaiyyətlə əlaqələr şöbəsindən verilən məlumata görə, hər iki ölkənin dövlət bayraqlarının dalğalandığı Heydər Əliyev Beynəlxalq Hava Limanında Rumıniya parlament nümayəndə heyətini Milli Məclisin Rumıniya ilə parlamentlərarası əlaqələr üzrə işçi qrupunun rəhbəri Azay Quliyev, Azərbaycanın Rumıniyadakı səfiri Qüdsi Osmanov, Rumıniyanın Azərbaycandakı səfiri Vasile Soare və digər rəsmi şəxslər qarşılayıblar.
Səfər çərçivəsində Mirça Abrudeanın ölkəmizin rəsmiləri ilə bir sıra görüşləri keçiriləcək, ikitərəfli əlaqələrimizin gələcək inkişafı ilə bağlı fikir mübadiləsi aparılacaq.
Rəsmi səfər aprelin 15-də başa çatacaq.
Oxşar Mövzular
UEFA Konfrans Liqası: IV turun qarşılaşmaları
28-11-2024, 13:03
Mərhum musiqiçinin sərvəti onun keçmiş sevgilisinə qaldı
9-05-2025, 11:16
Qurban Qurbanov: "Mövzunu elə qabartdılar ki..."
16-03-2025, 15:29