Qışda soyuqdan qorunmaq üçün Fransız sayağı üsul

Fransızlar qışda xəstəliklərdən qorunmaq üçün bol-bol ağ kələm və soğan şorbası istehlak edirlər. Son illərdə bu qidalandırıcı şorba bir çox ölkələrdə də məşhurlaşıb. C vitamini, kalsium və liflə zəngin olan bu yemək immuniteti gücləndirir, xəstəlikləri tez sağaldır və bədəni enerji ilə təmin edir.

King.Az bildirir ki, fransızlar qış aylarında bu şorbanı çox istehlak edirlər. Ağ kələm immunitet sistemini gücləndirir, antioksidant tərkibi hüceyrələri sağlam saxlayır və qocalma prosesini ləngidir. Soğanın antibakterial təsiri isə qrip və soyuqdəymədən qoruyur.

Qış mövsümündə populyarlıq qazanan bu şorba həm dadı, həm də sağlamlığa faydaları ilə seçilir. Tərkibindəki təbii maddələr immuniteti gücləndirərək xəstəliklərə qarşı qoruyucu rol oynayır.

Hazırlanması:

500 qram doğranmış ağ kələm, soğan, sarımsaq və kərə yağı ilə birlikdə qovrulur. Üzərinə toyuq bulyonu və su əlavə edilərək qaynadılır. Bişməyə yaxın krem əlavə edilir və süfrəyə kaşar pendiri ilə təqdim olunur.
Bu şorba həzm sistemini tənzimləyir, sidikqovucu təsiri ilə ödemi azaldır və ürək sağlamlığını qoruyur. Aşağı kalorili olması onu pəhriz saxlayanlar üçün ideal seçim edir. Qış aylarında orqanizmi xəstəliklərdən qoruyan təbii qalxandır.

Nuş Olsun 😊