Soyuq havalarda xəstələnməmək üçün nə etmək lazımdır?

Soyuq havalarda insanlar daha çox xəstələnir. Soyuq hava qan damarlarını daraldır, nəticədə burun yollarında təbii müdafiə mexanizmi azalır. İnsanlar qapalı yerlərdə daha çox vaxt keçirdiklərindən virusların yayılması asanlaşır. Hava quruluğu da burun yollarını qurudaraq virusların bədənə daxil olmasını asanlaşdırır. İmmuniteti zəiflədən D vitamini çatışmazlığı da soyuq havalarda xəstələnmə riskini artırır.
Soyuq havalarda xəstələnməmək üçün nə etmək lazımdır?

King.Az xəbər verir ki, sadalanan tədbirləri gündəlik olaraq tətbiq edərək soyuq havalarda xəstələnmək riskini azaltmaq mümkündür.
Qidanıza fikir verin: İmmuniteti gücləndirmək üçün C vitamini, D vitamini, sink və antioksidantlarla zəngin qidalar qəbul etmək lazımdır. Portağal, limon, qreypfrut kimi meyvələr, qoz, badam və ispanaq kimi tərəvəzlər faydalıdır.

Çoxlu su için: Havalar soyuq olsa da, kifayət qədər su içmək vacibdir. Su, bədənin təbii müdafiə mexanizmini dəstəkləyir və toksinlərin çıxarılmasına kömək edir.

İsti geyinin: Çöldə olarkən bədəni isti saxlamaq üçün qış paltarlarına üstünlük vermək vacibdir. Qoruyucu papaq, əlcək və şərflərdən istifadə edin.
Əllərinizi tez-tez yuyun: Xəstəliklər əllər vasitəsilə asanlıqla yayıla bilər. Əllərin təmizliyi çox əhəmiyyətlidir.

İdman edin: İdman və fiziki aktivlik qan dövranını artırır və immun sistemini gücləndirir. Soyuq havalarda da hərəkət etməyə çalışın.

8 saat yatın: Yetərli və keyfiyyətli yuxu immun sistemini gücləndirir və xəstəliklərə qarşı müqaviməti artırır. Gündə 7-8 saat yatmağa çalışın.
Stressdən uzaq durun: Stress immun sistemini zəiflədir. Meditasiya və ya dərin nəfəs texnikalarından istifadə etməklə stressi azalda bilərsiniz.