İspaniya mediasında "Real Madrid" klubunun aparıcı ulduzları Kilian Mbappe və Vinisius Junior arasında münasibətlərin gərginləşməsi barədə yeni şayiələr dalğası yayılıb.
King.Az xəbər verir ki, jurnalist Fransua Qalyardonun iddiasına görə, fransalı hücumçu Vinisius da daxil olmaqla, komandanın bəzi oyunçuları tərəfindən özünü xəyanətə uğramış hiss edir.
Məlumata əsasən, Mbappenin anası Fayza Lamari yay aylarında klub prezidenti Florentino Peresə qəti bir ultimatum irəli sürəcək.
Qalyardo vurğulayır ki, Mbappenin ətrafı məsələni olduqca sərt şəkildə qoya bilər. "Real Madrid" ya Vinisiusla yollarını ayırmalı, ya da fransalı ulduz özü komandanı tərk etməli olacaq.
Bununla belə, hələlik nə klub rəhbərliyi, nə də futbolçuların nümayəndələri tərəfindən bu məlumatla bağlı heç bir rəsmi təsdiq verilməyib. Qeyd edək ki, bundan əvvəl "Barselona" ilə yaxınlaşan matç fonunda Mbappenin İtaliyaya son səfərinin digər oyunçuların narazılığına səbəb olduğu bildirilirdi.