UEFA Konfrans Liqasının pley-off mərhələsinə start verilib.
King.Az xəbər verir ki, pley-off mərhələsinin ilk səkkiz oyunu baş tutub.
Maraqla gözlənilən qarşılaşmalardan biri "Şkendiya" (Şimali Makedoniya) və "Samsunspor" (Türkiyə) komandaları arasında keçirilib. "Samsunspor" görüşdən minimal hesablı qələbə ilə ayrılıb - 0:1.
İtaliya A Seriyasında turnir cədvəlinin son pillələrində qərarlaşan "Fiorentina" isə Polşada "Yagelloniya"nın qonağı olub. İtalyanlar rəqibinə heç bir şans verməyərək 0:3 hesabı ilə qalib gəliblər.
Digər görüşlərdə aşağıdakı nəticələr qeydə alınıb:
"KuPS" (Finlandiya) - "Lex" (Polşa) - 0:2;
"Noa" (Ermənistan) - "AZ Alkmaar" (Niderland) - 1:0;
"Siqma Olomouts" (Çexiya) - "Lozanna (İsveçrə) - 1:1;
"Zrinski" (Bosniya və Herseqovina) - "Kristal Pelas" (İngiltərə) - 1:1;
"Drita" (Kosovo) - "Selye" (Sloveniya) - 2:3;
"Omoniya" (Kipr) - "Riyeka" (Xorvatiya) - 0:1.
