"Arsenal"ın müdafiəçisinə "Portu" yolu görünür

London "Arsenal"ının müdafiəçisi Aleksandr Zinçenko karyerasını "Porto"da davam etdirə bilər.

Bu barədə King.Az "TEAMtalk"un jurnalisti Rudi Qalettiyə istinadən xəbər verir.

Mənbənin sözlərinə görə, "əjdahalar" sol cinah müdafiəçisi mövqeyi üçün heyəti gücləndirmək niyyətindədir. 28 yaşlı ukraynalı futbolçu "Porto"nun əsas transfer hədəflərindən biridir.

Lakin mənbənin sözlərinə görə, Zinçenkonun "Portu"ya potensial transferi ilə bağlı sövdələşmə futbolçunun maliyyə tələblərinə görə çətinləşib. Onun ildə təxminən 6.5 milyon avro almaq istədiyi iddia edilir. Bu səbəbdən portuqaliyalılar bu mövqe üçün başqa oyunçuları da nəzərdən keçirirlər.

Xatırladaq ki, Zinçenko Premyer Liqanın cari mövsümün ilk iki turunda "Arsenal"ın əsas heyətinə daxil edilməyib.