Ronaldunun transfer dəyəri karyerasında ən aşağı səviyyəyə düşür

Portuqaliyalı futbolçu Kriştianu Ronaldunun transfer qiyməti karyerasındakı ən aşağı səviyyəyə düşüb.

King.Az xəbər verir ki, "Transfermarkt" futbol portalı oyunçuların bazar qiymətindəki dəyişikliklər cədvəlini yeniləyib.

Beləliklə, Ronaldunun dəyəri 3 milyon avro azalıb. İndi "Ən-Nəsr"in 39 yaşlı hücumçusu 12 milyon avro dəyərində qiymətləndirilir ki, bu da karyerasında rekord aşağı göstəricidir.

Qeyd olunur ki, beşqat "Qızıl top" sahibi artıq Səudiyyə Ərəbistanının ən bahalı on futbolçusu arasında deyil.