Pakistan Hindistan səfirliyinin əməkdaşını rəsmi statusuna uyğun gəlməyən fəaliyyətinə görə "arzuolunmaz şəxs" elan edib.
King.Az TASS-a istinadən xəbər verir ki, bu barədə Pakistan Xarici İşlər Nazirliyinin (XİN) məlumatında bildirilib.
"Bu qərar diplomatik normalara uyğundur və Pakistanın öz suverenliyini qoruyub saxlamaq öhdəliyini əks etdirir", - məlumatda qeyd olunub.
Hindistanın müvəqqəti işlər vəkili Pakistan XİN-ə çağırılıb və orada ona müvafiq demarş verilib.
Adı və vəzifəsi açıqlanmayan Hindistan səfirliyinin əməkdaşı 24 saat ərzində Pakistanı tərk etməlidir.
Qərar Hindistanın çərşənbə axşamı Pakistanın Nyu-Dehlidəki səfirliyinin əməkdaşını diplomatik statusuna uyğun olmayan fəaliyyətlərə görə "persona non grata" elan etməsinə cavab olaraq qəbul edilib.
Oxşar Mövzular
Reper Dreykin oxşarları müsabiqəsi keçirildi, qalib qadın oldu
16-12-2024, 14:30
Gündəlik Bürclər-(08.02.2025)
8-02-2025, 00:14
Bu gün keçiriləcək maraqlı futbol oyunlarının AFİŞASI
13-05-2025, 11:15