Hantavirus yayılan "MV Hondius" kruiz gəmisi yenidən açıq dənizə çıxır

Göyərtəsində ölümcül hantavirusun And variantının yayıldığı "MV Hondius" kruiz layneri tezliklə öz fəaliyyətini bərpa edəcək.

King.Az xəbər verir ki, bu barədə Nltimes.nl portalı məlumat yayıb.

"Oceanwide Expeditions" şirkəti səfərlərə iyunun 13-dən etibarən başlamağı nəzərdə tutur. İlk ekspedisiya Şpitsbergenin Lonqyirbyen şəhərindən başlayaraq Nordeleyke Eyszee arxipelaqından keçəcək.

Gəmi Rotterdam limanına çatdıqdan sonra əsaslı şəkildə dezinfeksiya olunub. "GGD Rotterdam Rijnmond" mütəxəssisləri ilkin yoxlamanın nəticələrinə əsasən əlavə sanitar təmizləmə tədbirləri təyin ediblər. Qurum bütün tələblərin yerinə yetirildiyini və gəminin istismarı üçün artıq heç bir maneənin qalmadığını təsdiqləyib.