Rusiya Ermənistandakı səfirini geri çağırdı

Rusiyanın Ermənistandakı səfiri Sergey Kopırkin rəsmi İrəvanın Avropa İttifaqı ilə yaxınlaşma istiqamətində atdığı addımlarla əlaqədar məsləhətləşmələr üçün Moskvaya çağırılıb.

King.Az xəbər verir ki, bu barədə Rusiya XİN bəyanat yayıb.

"Rusiya Federasiyasının Ermənistan Respublikasındakı səfiri S.Kopırkin Ermənistan rəhbərliyinin Avrasiya İqtisadi İttifaqı (Aİİ) çərçivəsində əməkdaşlığa zərər vuran Avropa İttifaqı ilə yaxınlaşma istiqamətindəki addımları ilə bağlı məsləhətləşmələr üçün Moskvaya çağırılıb", - deyə XİN-in bəyanatında qeyd edilib.