ABŞ Prezidenti Donald Tramp özünün səlahiyyət müddəti başa çatdıqdan sonra respublikaçıların ölkəni idarə etmək üçün "ideal komanda" təqdim edə biləcəklərini diqqətə çatdırıb. O, vitse-prezident Cey Di Vens və dövlət katibi Marko Rubionu qarşıdan gələn seçkilərdə güclü namizədlər kimi göstərib.
King.Az-ın xəbərinə görə, bu barədə "The Hill" nəşri yazıb.
Tramp polis əməkdaşları həftəsi çərçivəsində Ağ Evin "Gül bağı"nda keçirilən şam yeməyi zamanı bildirib:
"Cey Di, bu şəxs sən ola bilərsən. Bir çox başqa insanlar da var. Bu, Cey Di olacaq, yoxsa başqa birisi? Mən bilmirəm".
Tədbirdə ABŞ prezidenti toplaşanlardan iki siyasətçidən hansına - Vens və ya Rubioya üstünlük verdiklərini ifadə etmələrini istəyib. Alqışlardan sonra Tramp onları "arzuların komandası" adlandırıb. Lakin kimin prezident, kimin vitse-prezident olacağını düşünməsinə dair dəqiq şərh verməyib.
"Bülleten üçün əla səslənir: Cey Di və Marko. İdeal namizədlər. Yeri gəlmişkən, mən inanıram ki, bu, arzuların komandasıdır", - deyə o vurğulayıb.
Qeyd edək ki, respublikaçılar 2028-ci ilin noyabr seçkisindən əvvəl prezidentliyə yeni namizədi müəyyən etməli olacaqlar, çünki ABŞ Konstitusiyasına görə, Tramp üçüncü müddətə namizədliyini irəli sürə bilməz.
Oxşar Mövzular
Leyla Əliyeva Ramazan ayı ilə bağlı paylaşım edib
1-03-2025, 14:06
Bir neçə fənn üzrə təkmilləşdirilmiş təhsil proqramları təsdiqlənib
21-04-2025, 13:50