Slovakiya Ukraynaya elektrik enerjisi tədarükünü dayandırıb

"Slovakiya Ukraynaya elektrik enerjisi tədarükü formatında göstərilən yardımı dayandırıb".

King.Az xəbər verir ki, bu barədə Slovakiyanın Baş naziri Robert Fitso "Facebook" sosial şəbəkəsində yayımladığı videomüraciətdə bildirib.

"Bu gündən etibarən, əgər Ukrayna tərəfi enerji şəbəkəsinin sabitləşdirilməsi üçün Slovakiyaya müraciət edərsə, belə yardım göstərilməyəcək", - deyə hökumət başçısı vurğulayıb.

Fitso bir neçə gün əvvəl bəyan etmişdi ki, əgər fevralın 23-də Ukrayna Prezidenti Volodimir Zelenski "Drujba" neft kəməri vasitəsilə Slovakiyaya neft tədarükünü bərpa etməzsə, Ukraynaya fövqəladə elektrik enerjisi verilməsi dayandırılacaq.