Vens ABŞ-nin İranla bağlı əsas "qırmızı xətti"ni açıqladı

"ABŞ İran üçün qəti "qırmızı xətlər" müəyyən edib və bunların ən başlıcası Tehranım nüvə silahı əldə etməsinin yolverilməzliyidir".

King.Az xəbər verir ki, bu barədə ABŞ vitse-prezidenti Cey. Di. Vens "Fox News" telekanalının efirində bəyanat verib.

"Biz nüvə silahının yayılmasını istəmirik. Əgər İran nüvə silahı əldə edərsə, bir çox digər rejimlər də ortaya çıxacaq. Onların bəziləri dost, bəziləri isə o qədər də etibarlı olmayan qüvvələrdir. Onlar da İrandan sonra nüvə silahı əldə etmək istəyəcəklər. Bu isə Amerika xalqı üçün əsl fəlakət olardı", - deyə Vens məsələyə aydınlıq gətirib.