Avstraliyada uşaqlarda beyin şişinə qarşı anticərrahi peyvəndlərin klinik sınaqları başlayır

Avstraliyalı alimlər dünyada ilk dəfə müalicəyə davamlı beyin şişləri olan uşaqlar üçün anticərrahi peyvəndlərin klinik sınaqlarını həyata keçirəcək.

King.Az xəbər verir ki, bu barədə Kvinslend Dövlət Universitetində (KDU) əvvəlcədən aparılan klinik tədqiqat zamanı bildirilib.

Məlumata görə, "PaedNEO-VAX" preparatının klinik sınaqları yaxın aylarda Viktoriya, Qərbi Avstraliya, Kvinslend, Yeni Cənubi Uels və Cənubi Avstraliya ştatlarındakı səkkiz uşaq xəstəxanasında aparılacaq.

Hər bir peyvənd xüsusi genetik markerlərdən istifadə edilərək fərdi şəkildə xəstələr üçün hazırlanacaq. Dördillik sınaqlara 70 uşaq cəlb olunacaq, onların gözlənilən ömrü 24 aydan çox deyil.

Tədqiqatda iştirak edən professor Cordan Hansford bildirib:

"Bu, mürəkkəb beyin şişlərinin müalicəsinə yeni, fərdi yanaşmadır. İlk mərhələdə təhlükəsiz və effektiv doza müəyyən ediləcək, ikinci mərhələdə isə terapiyanın effektivliyi qiymətləndiriləcək. Məqsədimiz şişin inkişafını yavaşladıb-xəstələrin və ailələrinin həyat keyfiyyətini artırmaqdır".

KDU-dan qeyd edilib ki, yeni preparat COVID-19 mRNT peyvəndi əsasında hazırlanıb. Tədqiqatın elmi rəhbəri, professor Brendon Ueynrayt açıqlayıb ki, "hər bir uşağın şişində unikal onkomarkerlər müəyyənləşdirildikdən sonra peyvəndin hədəfləri seçiləcək və fərdi preparatlar hazırlanacaq".