Meloni və Merts arasında "cazibə" ortaya çıxdı

Almaniya Kansleri Fridrix Merts Avropa İttifaqını (Aİ) birlikdə idarə etmək üçün İtaliya Baş naziri Corcia Meloni ilə birləşməyə çalışır, çünki Almaniya və Fransa ittifaqı "zəifləməyə başlayıb".

King.Az-ın xəbərinə görə, bu barədə "Politico" jurnalı mənbələrə istinadən məlumat verib.

"Bizim iki ölkəmizdə, xüsusən də Fransa ilə müqayisədə, sabit hökumətlər var. Aydındır ki, Meloni və Mertsin qarşısında uzun yol var və bu yolda birlikdə işləyə bilərlər. Onların arasında əla "cazibə" var, - deyə İtaliya Qardaşları Partiyasından olan deputat qeyd edib.

Həmçinin Almaniya hökumətinin yüksəkvəzifəli məmuru da vurğulayıb ki, İtaliyaya arxalanmaq olar. Məqalə müəlliflərinin qeyd etdiyi kimi, Berlin hazırda fransız həmkarlarını təsvir etmək üçün nadir hallarda bu ifadədən istifadə edir.

"Fransa daha bəlağətli danışır, lakin İtaliya daha praqmatikdir", - deyə Almaniya Sosial Demokrat Partiyasından olan deputat Aksel Şefer bildirib.