Türkiyəli müğənni Güllünün ölümündə şübhəli bilinən qızı HƏBS EDİLDİ

Məşhur türkiyəli müğənni Güllünün polis tərəfindən saxlanılan qızı Tuğyan Ülkem Gülter barəsində həbs qərarı çıxarılıb.

King.Az "Anadolu" agentliyinə istinadən xəbər verir ki, qəsdən adam öldürmə ittihamı ilə barəsində həbs qərarı çıxarılan Gülter məhkəmə zalından həbsxanaya göndərilib.

Bundan başqa, hadisə günü Gülter ilə eyni otaqda olan rəfiqəsi Sultan Nur Ulunun da məhkəmə istintaqı başa çatıb. Məhkəmənin qərarı ilə onun barəsində ev dustaqlığı qətimkan tədbiri seçilib.

İstintaq çərçivəsində saxlanılan Arif Ulu və daha iki nəfər dəlil çatışmazlığı səbəbindən sərbəst buraxılıb.