Mikayıl Cabbarov "Asienbrücke" Assosiasiyasının prezidenti ilə onlayn görüş keçirib

Azərbaycanın iqtisadiyyat naziri Mikayıl Cabbarov "Asienbrücke" Assosiasiyasının prezidenti və İdarə Heyətinin sədri Andreas Şoyerlə onlayn görüş keçirib.

King.Az xəbər verir ki, bu barədə nazir "X" hesabında paylaşım edib.

"Asienbrücke" Assosiasiyasının prezidenti və İdarə Heyətinin sədri cənab Andreas Şoyer ilə videokonfrans formatında keçirdiyimiz görüşdə regional əməkdaşlığın təşviqi və biznes əlaqələrinin gücləndirilməsi, investisiya, enerji, logistika, tranzit və digər sahələrdə əməkdaşlıq imkanları barədə fikirlərimizi bölüşdük", - paylaşımda bildirilib.