"Şəmkir Rayon Mərkəzi Xəstəxanası 229 çarpayı ilə stasionar xidmətin təşkili imkanına malikdir".
King.Az-ın Şəmkirə ezam olunan müxbiri xəbər verir ki, bunu İcbari Tibbi Sığorta üzrə Dövlət Agentliyi (Agentlik) və Tibbi Ərazi Bölmələrini İdarəetmə Birliyi (TƏBİB) tərəfindən Şəmkir Rayon Mərkəzi Xəstəxanasına təşkil olunan mediatur zamanı müəssisənin direktoru Samir Namazov deyib.
O qeyd edib ki, xəstəxanada müxtəlif ixtisaslar üzrə 15 şöbə fəaliyyət göstərir və vətəndaşlara həm ambulator, həm də stasionar tibbi xidmətlər təqdim olunur:
"İcbari tibbi sığortanın tətbiqindən sonra xəstəxanaya 30 adda yeni tibbi avadanlıq gətirilib. KT, MRT, qastroskop, elektroensefaloqrafiya, exokardioqrafiya, otoskop, oftalmoskop, laparoskop və digər diaqnostik cihazlar xəstələrin müayinəsində operativlik və dəqiqlik yaradır. Həmçinin xəstəxanada Hemodializ şöbəsi istifadəyə verilib və üç növbə üzrə fəaliyyət göstərir".
Oxşar Mövzular
"Sumqayıt" klubunun prezidenti vəzifəsindən ayrılır?
18-02-2025, 15:30