ABŞ Rusiya nefti aldığına görə Çinə rüsumlar tətbiq etmək şərtini açıqladı

"ABŞ avropalı müttəfiqlərinin oxşar addımları olmadan Pekinin Rusiya neftini almasına cavab olaraq Çin məhsullarına qarşı rüsumlar tətbiq etməyəcək".

King.Az-ın xəbərinə görə, bunu ABŞ-nin maliyyə naziri Skott Bessent "Reuters" və "Bloomberg" agentliklərinə müsahibəsində deyib.

"Biz avropalıların indi öz töhfələrini verəcəklərini gözləyirik və avropalılarsız hərəkət etməyəcəyik", - deyə o, tariflərin tətbiqi mümkünlüyü ilə bağlı sualı cavablandırıb.

Sentyabrın 13-də ABŞ Prezidenti Donald Tramp bütün NATO ölkələri Rusiya neftini almağı dayandırarsa, Rusiyaya qarşı sanksiyalar tətbiq etməyə hazır olduğunu bildirmişdi.