İsrail nümayəndə heyəti atəşkəs danışıqları üçün Qətərə gedir

İsrail nümayəndə heyəti Qəzzada saxlanılan girovların azad edilməsi ilə bağlı danışıqlar aparmaq üçün Qətərə yola düşür.

Bu barədə King.Az "The Times of İsrael" nəşrinə istinadən xəbər verir.

Məlumata görə, İsrail Baş naziri Benyamin Netanyahunun razılıq verdiyini bəyan etməsindən sonra ölkənin nümayəndə heyəti Qəzza zolağındakı girovların azad edilməsinə dair razılaşmanın və atəşkəsin əldə edilməsi ilə bağlı danışıqlarda iştirak etmək üçün İsraili tərk edib və Qətərə yola düşüb.

Həmçinin HƏMAS terror qruplaşmasının nümayəndə heyətinin də Qətərin paytaxtı Dohada danışıqları davam etdirəcəyi gözlənilir.