Krımda neft bazasında baş verən dəhşətli yanğına raket hücumu səbəb olub?

Krımın Feodosiya şəhərində yerləşən neft bazasında yanğın baş verib.


İlkin ehtimallara görə, yanğın raket hücumu nəticəsində baş verib və 3 nəfər yaralanıb. Yaralanan şəxslər xəstəxanaya yerləşdiriliblər.

Məlumata görə, raket hücumu nəticəsində beş yanacaq çəni zədələnib ki, onlardan ikisi tamamilə sıradan çıxıb, üçü isə yanmağa davama edir.

Hücum səbəbindən Vladislavovka-Feodosiya hissəsində qatarların hərəkəti məhdudlaşdırılıb. Bir qatarda olan sərnişinlər avtobuslara yerləşdirilib.

Daha əvvəl neft bazasında baş verən hadisə ilə də əlaqədar iki küçədə nəqliyyatın hərəkətinin dayandırıldığı bildirmişdi. Ərazidə operativ xidmət əməkdaşları işləyirlər.