Məşhur Hollivud aktyoru Corc Kluni Fransa vətəndaşlığını alıb.
King.Az-ın xəbərinə görə, bu barədə "Agence France-Presse" (AFP) nəşri məlumat verib.
Məlumata görə, Kluni ilə birlikdə onun həyat yoldaşı və iki uşağına da Fransa vətəndaşlığı verilib.
Daha əvvəl bildirildiyinə görə, aktyor Fransada daşınmaz əmlak əldə edib, ölkənin cənub-şərqində bir ərazi və üzüm bağı alıb, vaxtının çox hissəsini ailəsi ilə birlikdə orada keçirir.
Bundan əlavə, Kluni dəfələrlə Fransa mədəniyyətinə və tarixinə olan sevgisini vurğulayıb.
Oxşar Mövzular
