ABŞ Prezidenti Donald Trampın Administrasiyası miqrantların deportasiyası prosesini tam dinləmə olmadan siyasi sığınacaq tələbini rədd etməklə kəskin sürətləndirmək niyyətindədir.
King.Az xəbər verir ki, bu barədə "Bloomberg" məlumat yayıb.
"ABŞ Ədliyyə Nazirliyi federal immiqrasiya hakimlərinə sığınacaqla bağlı işlərə dair sənədlərini hərtərəfli nəzərdən keçirməyi tapşırıb", - deyə bəyanatda bildirilir.
Bundan əvvəl məlumat yayılmışdı ki, Tramp hakimiyyətinin ilk ilində bir milyona qədər miqrantı deportasiya etmək niyyətindədir. Əvvəlki rekord bir il ərzində 400 mindən çox deportasiya ilə 44-cü prezident Barak Obamanın dövründə qeydə alınıb.
2024-cü ildə Tramp bəyan edib ki, ABŞ hökuməti dörd il ərzində bütün qeyri-qanuni miqrantları deportasiya etməyi planlaşdırır. O əlavə edib ki, gənc yaşda ABŞ-yə qeyri-qanuni yollarla daxil olmuş və artıq uzun illər bu ölkədə yaşayan insanlar üçün istisna oluna bilər.
Oxşar Mövzular
Gündəlik Bürclər-(02.04.2025)
2-04-2025, 13:06
Trampın işini araşdıran xüsusi prokuror istefa verdi
12-01-2025, 22:42
Çempionlar Liqası: Dortmund "Borussiya"sı 1/8 finalda
20-02-2025, 00:17