İran-Azərbaycan sərhədində yeni gömrük terminalı tikilir

İran-Azərbaycan sərhədində yeni sərhəd və gömrük terminalı tikilir.

King.Az "Azad İran" "Telegram" kanalına istinadən xəbər verir ki, bu barədə Şərqi Azərbaycan əyalətinin gömrük nəzarətçisi Sadiq Namdar açıqlama verib.

"İki ölkə başçıları arasında əldə olunan razılaşmalara əsasən, Araz strateji dəhlizinin tikintisi ilə eyni vaxtda Kəlalə sərhədində yeni sərhəd və gömrük terminalının yaradılması təsdiq edilib və tikintisi davam etdirilir.

Kəlalədə yeni terminalın yaradılması ilə İran və Azərbaycan arasında iqtisadi və tranzit əlaqələri asanlaşdırılacaq və əhəmiyyətli dərəcədə artırılacaq", - Namdar bildirib.